अक्कलकुवा l प्रतिनिधी
शिवसेनेचे नंदुरबार जिल्हा प्रमुख आमश्या पाडवी यांची विधानपरिषदेच्या सदस्यपदी निवड झाल्याने त्यांचा महाराष्ट्र राज्य अंगणवाडी कर्मचारी संघटनेच्या वतीने सत्कार करण्यात आला.
अक्कलकुवा येथील पंचायत समितीच्या सभागृहात संपन्न झालेल्या सत्कार कार्यक्रमाच्या अध्यक्षस्थानी सौ. इंदिराबाई पाडवी तर प्रमुख पाहुणे म्हणून अंगणवाडी कर्मचारी संघटनेचे कार्याध्यक्ष युवराज बैसाणे, माजी जिल्हा परिषद सदस्या संध्या पाटील,तालुका उपप्रमुख तुकाराम वळवी,राजु पाटील,कान्हा नाईक,जिल्हा प्रसिद्धी प्रमुख रविंद्र गुरव,
विद्या मोरे,प्रमिला बागुल,गोलु चंदेल आदी उपस्थित होते यावेळी अंगणवाडी कर्मचारी संघटनेच्या वतीने नवनिर्वाचित आमदार आमश्या पाडवी यांचा भव्य सत्कार करण्यात आला.यावेळी संघटनेचे कार्याध्यक्ष युवराज बैसाणे यांनी मनोगत व्यक्त केले.या प्रसंगी पिंपळखुंटा, मोलगी ,अक्कलकुवा प्रकल्पातील अंगणवाडी सेविका व मदतनीस उपस्थित होत्या.