नंदुरबार l प्रतिनिधी
धडगाव तालुक्यातील कात्रीचा शेलखेडीपाडा येथे एकास काहीएक कारण नसतांना काठीने मारहाण केल्याप्रकरणी गुन्हा दाखल करण्यात आला आहे .
याबाबत पोलिस सूत्रांनी दिलेल्या माहितीनूसार , धडगाव तालुक्यातील कात्रीचा शेलखेडीपाडा येथील कागडा देवला वळवी यांना सिप्या भिमसिंग वळवी याने काहीएक कारण नसतांना काठीने डोक्यावर , पाठीवर व छातीवर मारहाण करुन दुखापत केली . तसेच शिवीगाळ करीत जिवेठार मारण्याची धमकी दिली .
याबाबत कागडा वळवी यांच्या फिर्यादीवरुन धडगाव पोलिस ठाण्यात सिप्या वळवी याच्याविरोधात भादंवि कलम ३२३ , ५०४ , ५०६ प्रमाणे गुन्हा दाखल करण्यात आला आहे . पुढील तपास पोना . गोसावी करीत आहेत .
