नंदुरबार ! प्रतिनिधी
महाराष्ट्रातील पुरग्रस्तांसाठी नंदुरबार जिल्ह्यातील तळोदा शहारात मदत फेरीद्वारे तळोदा शहर राष्ट्रवादी काँग्रेसतर्फे नागरिकांकडून मदत गोळा करत ही मदत राष्ट्रवादी काँग्रेस वेल्फेअर ट्रस्टला धनादेश दिला. 1 लाख 51 हजार अशी या मदतीची रक्कम होती.
यावेळी राष्ट्रवादी काँग्रेस पार्टी प्रदेशाध्यक्ष व मंत्री जयंतराव पाटील यांना राष्ट्रवादी वेल्फेअर ट्रस्ट मध्ये या मदतीच्या रकमेचा धनादेश राष्ट्रवादी काँग्रेस प्रदेश उपाध्यक्ष व माजी आ. उदेसिंग पाडवी यांच्या हस्ते देण्यात आला.यावेळी राष्ट्रवादी युवक काँग्रेस प्रदेशाध्यक्ष मेहबूब शेख, राष्ट्रवादी काँग्रेस पार्टी ओबीसी सेल प्रदेश सरचिटणीस कमलेश चौधरी , राष्ट्रवादी काँग्रेस नंदुरबार जिल्हा संघटक एन. डी. पाटील , डॉ. तुषार संनसे , नगरसेवक हितेंद्र क्षत्रिय, मार्केट कमिटी संचालक भरत चौधरी, नगरसेवक संदीप परदेशी, केसरसिंग क्षत्रिय , योगेश मराठे उपस्थित होते, या प्रसंगी प्रदेशाध्यक्ष ना. जयंतराव पाटील यांनी राज्याच्या पुरपरिस्थितीत तळोदा शहरातील नागरिकांनी जी आपल्या दातृत्व भावनेतून मदत केली त्या बद्दल आभार मानले.
