नंदुरबार ! प्रतिनिधी
राज्यात आंतरराष्ट्रीय क्रीडा विद्यापीठाची स्थापना करण्यात आलेली असून या आंतरराष्ट्रीय क्रीडा विद्यापीठाचे बोधचिन्ह ठरविण्यासाठी स्पर्धेचे आयोजन करण्यात आले आहे.
राज्यात जास्तीत जास्त क्रीडा मार्गदर्शक तयार होऊन खेळाडूंना तंत्रशुद्ध प्रशिक्षण मिळावे आणि क्रीडा क्षेत्रात येणाऱ्या युवकांना व्यावसायिक दृष्टीने प्रोत्साहन मिळावे यासाठी क्रीडा विद्यापीठ निर्माण करण्यात आले आहे. विद्यापीठाचे बोधचिन्ह ठरविण्यासाठी आयोजित स्पर्धेत भारतातील नागरिक सहभाग घेऊ शकतात.
बोधचिन्ह तयार करुन सादर करण्याचा अंतिम दिनांक 10 ऑगस्ट 2021 असा असून स्पर्धेतील विजेत्यांना प्रथम 50 हजार, द्वितीय 30 हजार व तृतीय क्रमांकास 20 हजार रुपयांचे पारितोषिक प्रदान करण्यात येणार आहे. स्पर्धेच्या नियम, अटी व पुरस्काराची माहिती क्रीडा व युवक सेवा संचालनालयाच्या https://sports.maharashtra.gov.in या संकेतस्थळावर उपलब्ध आहे. या स्पर्धेत अधिकाधिक नागरिकांनी भाग घ्यावा असे आवाहन जिल्हा क्रीडा अधिकारी सुनंदा पाटील यांनी केले आहे
