नंदुरबार l प्रतिनिधी
जिल्ह्यातील युवांनी केलेल्या समाजहिताच्या कार्याचा गौरव व्हावा व युवा विकासाचे कार्यकरण्यासाठी प्रोत्साहन मिळावे यासाठी शासनामार्फत जिल्हास्तरावर एक युवक, एक युवती, एक नोंदणीकृत संस्थेला जिल्हा युवा पुरस्कार देण्यात येतो.
सन 2021-2022 या वर्षाकरीता जिल्हा युवा पुरस्कार देण्यात येणार असून पुरस्कारासाठी अर्ज करणाऱ्या युवक,युवती व युवा विकासाचे कार्य करणाऱ्या संस्थांची 1 एप्रिल ते 31 मार्च कालावधीतील गत तीन वर्षाची कामगिरी विचारात घेतली जाईल. यासाठी अर्जदाराचे वय 1 एप्रिल रोजी 13 वर्ष पूर्ण व 31 मार्च रोजी 35 वर्षापर्यंत असावे. विहित नमुन्यातील अर्जासोबत कामाचे योग्य व सबळ पुरावे ,वृत्तपत्र कात्रणे,प्रशस्तीपत्र, चित्रफिती व छायाचित्र जोडणे आवश्यक राहील.
अधिक माहिती क्रीडा व युवक सेवा संचालनालयाच्या http://sports.maharashtra.gov.in या संकेतस्थळावर उपलब्ध असून विहित नमुन्यातील अर्ज 30 मार्च ते 5 एप्रिल 2022 या कालावधीत जिल्हा क्रीडा कार्यालय, जिल्हा क्रीडा संकुल परिसर, खामगांव रोड, साक्री नाका, नंदुरबार येथे कार्यालयीन वेळेत उपलब्ध आहे.( जगदिश चौधरी 9422834187 ).
विहित नमुन्यात भरलेला अर्ज व आवश्यक त्या छायांकित कागदपत्रे साक्षांकित करुन, पासपोर्ट फोटो, कार्याची पीपीटी तयार करुन पुस्तिकेच्या स्वरुपात एकत्रित बंद लिफाप्यात 13 एप्रिल 2022 पर्यंत सादर करावे.अर्जदाराची मुलाखत व सादरीकरणाचे प्रस्ताव छाननी व निवड समिती मार्फत करण्यात येईल. असे आवाहन जिल्हा क्रीडा अधिकारी सुनंदा पाटील यांनी एका प्रसिध्दीपत्रकान्वये केले आहे.
