धुरखेडा येथे जागतिक क्षयरोग दिवस साजरा

म्हसावद l प्रतिनिधी
जागतिक क्षयरोग दिनाचे औचित्य साधून शहादा तालुक्यातील धुरखेडा येथे क्षयरोग विषयी जनजागृती रॅली काढण्यात आली.
सुरवातीला पिरामल स्वास्थ चे जिल्हा संयोजक साईनाथ अरगडे यांनी क्षयरोग विषयी विस्तारित माहिती सांगितली.या रॅली मध्ये जिल्हा परिषद शाळा धुरखेडा येथील विद्यार्थ्यांनी क्षयरोग जनजागृती निमित्त टीबी हारेगा,देश जितेगा,नियम पाळा टिबी टाळा या जयघोष दिल्या.तसेच या दिनानिमित्त घरोघरी जाऊन लोकांना जागरूक केले आहे आणि काही ग्राम वसियांचे नमुना सुद्धा तपासणीसाठी पाठविले आहे.तसेच शनिवारी एक्स रे कॅम्पद्वारे क्षयरोग चे निदान करण्यात येणार आहे
धूरखेडा येथील नागरिकांनी कॅम्पचा लाभ घेण्याचे आवाहन करण्यात आले. कार्यक्रमात पिरामल फाऊंडेशनचे प्रोग्राम लीडर रमेश जायनाकर यांनी सक्षम बिटिया अभियान विषयी माहिती दिली.या अभियानद्वारे किशोरवयीन मुलींना शिक्षणाच्या प्रवाहात आणण्यासाठी प्रयत्न केला जाणार आहे. या जनजागृती रॅलीत जिल्हा परिषद शाळेचे मुख्याध्यापक किशोर गायकवाड, शिक्षक अशोक देवरे,निंबा गिरासे,सीमा जगदाळे,अरुण पाडवी,आशाताई जाधव,होमा वसावे ,एम पि डब्लू फत्तेसिंग वसावे ,परिचारिका स्वप्ना खैरनार, आशा सेविका सुरेखा पाटील,विमल मोरे, अंगणवाडी सेविका निशा पाटील, पिरामल स्वास्थचे जगदीश राजपूत,वंदना सोनवणे,काशिनाथ पाटील उपस्थित होते.या कार्यक्रमाला सीएचओ भूषण नेरकर, पिरामल फाऊंडेशन चे प्रोग्राम मॅनेजर किशोर घरत, पिरामल स्वास्थ निलचंद्र शेंडे,सतीश पवार,आदित्य भोईर यांचे सहकार्य व मार्गदर्शन लाभले आहे.