हातमाग व वस्त्रोद्योग तंत्रविज्ञान पदविका प्रवेशासाठी अर्ज करण्याचे आवाहन

नंदुरबार ! प्रतिनिधी

केंद्र सरकारच्या भारतीय हातमाग तंत्रविज्ञान संस्थेत २०२१- २०२२ या शैक्षणिक सत्रात तीन वर्षीय (सहा सत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम सत्राकरीता महाराष्ट्र राज्यातून बरगढ (ओडिशा) येथे १३ व वेंकटगिरी येथील २ जागांच्या प्रवेशासाठी पात्र उमेदवारांची निवड करण्यात येणार आहे.
या निवडीसाठी  प्रादेशिक उपआयुक्त  वस्त्रोद्योग नागपूर, सोलापूर, मुंबई  आणि औरंगाबाद यांच्यामार्फत विहित नमुन्यातील प्रवेश अर्ज २० ऑगस्ट २०२१ पर्यंत मागविण्यात येत आहेत. प्रवेश अर्जाचा नमुना व अनुषांगिक माहिती वस्त्रोद्योग आयुक्तालयाचे संकेतस्थळ http://www.dirtexmah.gov.in  वर उपलब्ध आहे. अर्जाचा नमुना सर्व प्रादेशिक वस्त्रोद्योग उपायुक्त यांच्या कार्यालयातदेखील उपलब्ध आहे, असे वस्त्रोद्योग आयुक्त शीतल तेली- उगले यांनी कळविले आहे.