नंदुरबार l प्रतिनिधी
एकात्मिक बाल विकास सेवा योजनेंतर्गत कोविड कालावधीत नंदुरबार जिल्ह्यात सॅम व मॅम बालकांचे स्क्रिनींगसाठी विशेष मोहिम राबवून इतर जिल्ह्यांच्या तुलनेत जास्तीत जास्त बालकांचे स्क्रीनिंग केल्याबद्दल नंदुरबार राज्यात सर्वोत्कृष्ट जिल्हा ठरला असून त्यानिमित्त जागतिक महिला दिनाचे औचित्य साधून नंदुरबार जिल्हाधिकारी मनीषा खत्री,जिल्हा परिषदेचे मुख्य कार्यकारी अधिकारी रघुनाथ गावडे,जिल्हा कार्यक्रम अधिकारी कृष्णा राठोड यांचा सत्कार राज्याचे उप मुख्यमंत्री अजित पवार यांच्या हस्ते सत्कार करण्यात आला.
कोविड काळात नंदुरबार जिल्ह्यात विशेष मोहिम राबवून 3 हजार 368 सॅम बालकांचे व 18 हजार 668 मॅम बालकांचे स्क्रिनींग केल्याबद्दल राज्यात नंदुरबार जिल्ह्याची सर्वोकृष्ट जिल्हा म्हणून निवड करण्यात आली होती.आज 8 मार्च रोजी जागतिक महिला दिनाचे औचित्य साधून नंदुरबार जिल्हाधिकारी मनीषा खत्री,जिल्हा परिषदेचे मुख्य कार्यकारी अधिकारी रघुनाथ गावडे,जिल्हा कार्यक्रम अधिकारी कृष्णा राठोड यांचा सत्कार राज्याचे उपमुख्यमंत्री अजित पवार,तसेच महिला व बाल विकास मंत्री यशोमती ठाकूर,तसेच महसूलमंत्री बाळासाहेब थोरात, विधानपरिषदेच्या उपसभापती नीलिमा गोऱ्हे,राज्यमहिला आयोगाच्या अध्यक्षा रुपाली चाकणकर, एकात्मिक बालविकास सेवा योजनेच्या आयुक्त रूबल अग्रवाल यांच्या उपस्थितीत मुंबई येथे करण्यात आला, या सोहळ्यास संबंधित विभागाचे सचिव व अधिकारी उपस्थित होते .
