नंदुरबार l प्रतिनिधी
नंदुरबार जिल्ह्यात बिबट्याच्या हल्ल्यात गेल्या दोन महिन्यात पाच जणांचा मृत्यू झाला होता यासंदर्भात खासदार गोवाल पाडवी यांनी पाचही कुटुंबीयांची भेट घेऊन शासकीय मदत मिळवून देण्याचे आश्वासन दिले होते.
यासंदर्भात त्यांनी वनविभागाकडे पाठपुरावा सुद्धा केला होता बिबट्याच्या हल्ल्यात मृत्यूमुखी पडलेल्या परिवाराच्या सदस्यांना भेट देऊन कागदपत्रांच्या पूर्ततेसाठी मदतीचे आश्वासन दिले होते ते आश्वासन पूर्ण झाले असून मयत व्यक्तींच्या कुटुंबांना शासकीय मदत मिळण्यास सुरुवात झाली आहे.तळोदा तालुक्यातील काजीपुर शिवारात बिबट्याच्या हल्ल्यात एकाच परिवारातील आजी आणि नातू चा मृत्यू झाला होता याप्रकरणी खासदार गोवाल पाडवी यांनी वन विभागाचे अधिकाऱ्यांना लवकरात लवकर मदत देण्याचे आदेश दिले होते.तसेच त्या परिवाराची भेट घेऊन कागदपत्राच्या पूर्ततेसाठी खासदार कार्यालयाकडून सहकार्य उपलब्ध करून दिले होते.
या परिवारातील सदस्यांना शासनाकडून मिळणाऱ्या मदतीचे 25 लाखाचे दोन चेक कुटुंबियांना देताना काँग्रेसचे ज्येष्ठ नेते माजी आदिवासी विकास मंत्री तथा आमदार ऍड. के सी पाडवी वनविभागाचे वरिष्ठ अधिकारी हे उपस्थित होते.
बिबट्यांची संख्या वाढल्याने जिल्ह्यात बिबट्यांच्या हल्ल्याच्या प्रमाण वाढले होते त्यासाठी वन विभागाच्या वरिष्ठ अधिकाऱ्यांची पत्रव्यवहार करून बिबट्यांचे हल्ले रोखण्यासाठी उपाययोजना करण्याचा सूचना केल्या होत्या त्याचप्रमाणे बिबट्याच्या हल्ल्यात मृत्यूमुखी पडलेल्यांना शासनाकडून मिळणारी 25 लाखाची मदत होण्यासाठी कागदपत्रांची पूर्तता झाल्यानंतर मदत मिळण्यास सुरुवात झाली असून सर्वच कुटुंबांना मदत मिळणार आहे अशी माहिती खासदार गोवाल पाडवी यांनी दिली आहे.