नंदुरबार l प्रतिनिधी
कोलकत्ता येथे प्रशिक्षणार्थी महिला डॉक्टरवर अत्याचार करीत तिची हत्या करण्यात आली, या घटनेच्या निषेध म्हणून उद्या शासकीय वैद्यकीय महाविद्यालयातील विद्यार्थी, नागरिक, रुग्ण सेवा देणाऱ्या रुग्णालयातील कर्मचारी मिळून बुधवारी सकाळी 10.30 वाजेच्या सुमारास संयुक्त विराट मोर्चा काढण्यात येणार आहे, अशी माहिती शासकीय वैद्यकीय महाविद्यालयाचे जनरल सेक्रेटरी अथर्व पवार यांनी पत्रकार परिषदेत दिली.
पंडित जवाहरलाल नेहरू पुतळ्यापासून मोर्चाला प्रारंभ होणार असून हा मोर्चा दगडी चाळ मार्गे नवीन नगरपालिका ते पंडित जवाहरलाल नेहरू पर्यंत असेल अशी माहिती त्यांनी दिली. होणारे अत्याचार हे निषेधार्थ असून आरोपींना तात्काळ अटक करून त्यांना कठोर शिक्षा व्हावी, अशी मागणी करण्यात येणार आहे. खूप झाले खूप शिकल्या मुली,आता मुलींच्या सुरक्षेसाठी सर्वांना जागे करावे लागेल. मुलींना लढावे लागेल. यासाठी विराट मोर्चा काढण्यात येणार आहे, माहितीही पवार यांनी दिली.
