नंदुरबार l प्रतिनिधी
नंदुरबार जिल्हा ग्रामसेवक युनियनच्या जिल्हा कार्याध्यक्षपदी विनोदकुमार ढोडरे यांची नियुक्ती करण्यात आली आहे.
नंदुरबार जिल्हा ग्रामसेवक युनियन जिल्हा कार्यकारिणी व सर्व तालुका अध्यक्ष, सचिव यांची सभा २५ मे २०२4 रोजी देवमोगरा माता सभागृह नंदुरबार येथे जिल्हा संघटनेचे मानद अध्यक्ष शरद पाटील यांच्या अध्यक्षतेखाली झाली.
या वेळी जिल्हाध्यक्ष रविंद्र वळवी यांच्या राजीनाम्यानंतर रिक्त झालेल्या जागी ग्रामसेवक जिल्हा युनियनच्या नूतन जिल्हाध्यक्षपदी दौलत कोकणी, तर गणेश मोरे यांची जिल्हा सरचिटणीस पदी सर्वानुमते बिनविरोध निवड करण्यात आली. तसेच रिक्त झालेल्या जिल्हा कार्याध्यक्षपदी विनोद ढोडरे यांची सर्वानुमते निवड करण्यात आली. यावेळी संघटनेच्या खालील विषयावर चर्चा करण्यात आली.
जिल्ह्यातील ग्रामसेवकांच्या अडीअडचणीसंधर्भात विचारविनिमय करून तालुकानिहाय आढावा घेण्यात आला. आश्वासित प्रगती योजना तालुकानिहाय राहिलेल्या प्रकरणाबाबत विचारविनिमय करून तालुका अध्यक्ष सचिव यांना तालुक्यातील प्रस्ताव परिपूर्ण पाठविण्याबाबत सूचना करण्यात आल्या तालुकास्तरावरील ग्रामसेवक बांधवांच्या अडचणी संघर्भात सविस्तर चर्चा करण्यात आली.
यावेळी सभेला नवापूर तालुका अध्यक्ष नरेंद्र पाडवी, सचिव सुनील वळवी, अक्कलकुवा तालुका अध्यक्ष मनोज पाडवी, सचिव गणेश वसावे, नंदुरबार तालुका अध्यक्ष डी.जी. सूर्यवंशी सचिव गणेश मोरे शहादा तालुका अध्यक्ष कुवरसिंग नाईक, सचिव पंडित शिरसाठ, जिल्हा कार्यकारिणीचे दौलत कोकणी, शरद पाटील, मनोहर खर्डे प्रवीण तावडे, बी.पी.गिरासे, आतिष चव्हाण नितीनिकुमार पाटील परमेश्वर गंडे, दिलीप खोब्रागडे, किशोर वळवी, संतोष पाडवी आदी उपस्थित होते.
