शहादा l प्रतिनिधी
चोरीच्या गुन्ह्यातील आरोपीस फरार होण्यात मदत करणाऱ्या तिघांना स्थानिक गुन्हा अन्वेषण शाखा नंदुरबार यांनी तीन जणांना अटक करून येथील न्यायालयात हजर केले असता न्यायालयाने तिघांना दि. २२ मे २०२३ पर्यंत पोलीस कोठडी सुनावली आहे.
याबाबत सविस्तर वृत्त असे की दि. ८ मे २०२३ रोजी बिकानेर राजस्थान येथील आरोपी ओमप्रकाश उर्फ ओमाराम किसनलाल जाट, रा. सिओल की ठानी धोजापुर, बायतू ,जिल्हा बाडमेर यास वाहन चोरीचा गुन्ह्यात शहादा पोलिसांनी अटक केली होती. आरोपीची न्यायालयीन कस्टडी मंजूर झाल्याने त्या न्यायालयाच्या आवारात कर्तव्यावर असलेल्या पोलिस अधिकारी व कर्मचारी हातकडी लावत असताना झटका देऊन व हाताबुक्यानी मारहाण करून पोलीस कर्मचाऱ्याचे पायाला दुखापत करून जखमी केले कर्तव्यावर असलेल्या पोलीस कर्मचारीचे शासकीय कामात अडथळा करून विना क्रमांकाची स्कार्पिओ तील इसमांशी संगणमत करून पूर्वनियोजित कट करून न्यायालयातील परिसरात चालत्या स्कार्पिओ वाहनात बसून पोलीस व कर्मचाऱ्यांचे रखवालीतून पळून गेले म्हणून शहादा पोलिसात असई राजेंद्र पारोळेकर यांच्या फिर्यादीवरून भादवी कलम३५३, १२०ब, ३३३, २२४ प्रमाणे गुन्हा दाखल करण्यात आला होता .
फरार आरोपींच्या शोध घेण्यासाठी स्थानिक गुन्हा शाखेतील पोलीस अधिकारी व कर्मचारी चे पथक बाडमेर राजस्थान येथे रवाना झाले होते. स्थानिक गुन्हे शाखेच्या पोलिसांनी तेथील स्थानिक पोलिसांच्या मदतीने संशयित आरोपी केसाराम उर्फ केसा मंगाराम जाट रा. लापुंन्दडा. जिल्हा बाडमेर राजस्थान,प्रमाराम चैनाराम जाट रा. दुधु ता. धोरीमन्ना ह. मु. रामनगर बाडमेर राजस्थान, नरपत गोवर्धनराम जाट रा. मानपुरा बाडमेर या तिघांना अटक केली असून त्यांच्याकडून वीस लाख रुपये किमतीची स्कार्पिओ वाहन (क्र. जी.जे.१७, सी. ए.००३५) व दहा लाख रुपये किमतीची क्रेटा वाहन (क्र.जी.जे .०३, एच.आर ५८९२) अशा प्रकारचे दोन वाहन जप्त केले असून तर गुन्ह्यात सहभाग असलेले तीन जन कोलसाराम खेराजराम जाट, हेमाराम कमलेश जाट, प्रकाश जुगताराम जाट (बेनिवाल) तिघे रा. बायतू ता. बायतू जि. बाडमेर राजस्थान हे तीन आरोपी फरार होण्या स यशस्वी झाले.
आरोपीस फरार करण्यामध्ये सहा जणांचा समावेश होता. यापैकी तिघाना अटक करून काल न्यायालयात कडक पोलिस बंदोबस्तात हजर केले असता येथील प्रथम वर्ग न्यायदंडाधिकारी यांनी तिघाना २२ मे २०२३ पर्यंत पोलीस कोठडी सुनावली आहे.
