नंदुरबार l प्रतिनिधी
तळोदा-अक्कलकुवा रस्त्यावरील बुधावली गावाजवळ वाहनाने धडक दिल्याने दुचाकीस्वार जखमी झाला.
याबाबत पोलीस सूत्रांनी दिलेल्या माहितीनुसार,
शहादा तालुक्यातील प्रकाशा येथील रोहन हेमंत मुसळे हे दुचाकीने (क्र.एम.एच.३९ एएच ३९०७) तळोदा-अक्कलकुवा रस्त्याने जात होते. यावेळी एका चारचाकी वाहन चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात बुधावली गावाजवळ दुचाकीला धडक दिल्याने रोहन मुसळे यांना गंभीर दुखापत झाली.
तसेच दुचाकीचेही नुकसान झाले. अपघातानंतर वाहन चालक घटनास्थळावरुन पसार झाला. याबबात आदित्य हेमंत मुसळे यांच्या फिर्यादीवरुन तळोदा पोलिस ठाण्यात वाहन चालकाविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक अमितकुमार बागुल करीत आहेत.
