नंदूरबार l प्रतिनिधी
शहादा शहरातील नवीन बसस्थानक ते लोणखेडा दरम्यान चाकूचा धाक दाखवित मारहाण करीत तीन हजाराची रोकड व मोबाईल हिसकावून नेल्याप्रकरणी सहा संशयितांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा तालुक्यातील शेल्टी येथील रजत आनंदा साबळे हे शहादा शहरातील नवीन बसस्थानक ते लोणखेडा रस्त्याने जात होते. यावेळी रजत साबळे यांना गणेश सुभाष कोळी, उमेश सुभाष कोळी व त्यांच्यासोबत असलेल्या चार अनोळखी इसमांनी हाताबुक्यांनी मारहाण केली.
तसेच चाकूचा धाक दाखवून ३ हजाराची रोकड व एक मोबाईल असा ऐवज हिसकावून नेला. याबाबत रजत साबळे यांच्या फिर्यादीवरुन शहादा पोलिस ठाण्यात सहा जणांविरोधात भादंवि कलम ३९५, ३९७ प्रमाणे गुन्हा दाखल करण्यात आला आहे. पुढील तपास महिला सहाय्यक पोलिस उपनिरीक्षक माया राजपूत करीत आहेत.
