नंदूरबार l प्रतिनिधी
अक्कलकुवा ते तळोदा रस्त्यावर वाण्याविहिर फाट्याजवळ वाहनाने बुलेटला धडक दिल्याने एक जण ठार तर एक महिला जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, तळोदा शहरातील कल्पना टॉकीज परिसरातील निरज छटुराम गुप्ता हे त्यांच्या बुलेटने (क्र.ए. एल. ०४२२) ने मोनाली या महिलेस घेवून अक्कलकुवा ते तळोदा रस्त्याने जात होते. यावेळी एका चारचाकी वाहन चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात वाहन चालवून वाण्याविहिर फाट्याजवळ बुलेटला धडक दिल्याने अपघात घडला. घडलेल्या अपघातात निरज गुप्ता हे ठार झाले तर मोनाली ही महिला जखमी झाली.
अपघातानंतर वाहन चालक घटनास्थळावरुन पसार झाला. याबाबत राजेश मुकूंदलाल गुप्ता यांच्या फिर्यादीवरुन अक्कलकुवा पोलिस ठाण्यात वाहन चालकाविरोधात भादंवि कलम ३०४ (अ), २७९, ३३७, ३३८, ४२७, मोटार वाहन कायदा कलम १८४, १३४, १८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक देविदास वडघुले करीत आहेत.
