नंदुरबार l प्रतिनिधी
दरवर्षी ५ सप्टेंबर रोजी शिक्षक दिनाचे औचित्य साधून रोटरी क्लब ऑफ नंदनगरीच्यावतीने शैक्षणिक व प्रशासकीय क्षेत्रात उत्कृष्ट कार्य करणार्या संस्थाचालक, प्रशासकीय अधिकारी, शिक्षक यांना रोटरी गौरव पुरस्कार देऊन सन्मानित करण्यात येते. यंदा या पुरस्कारात २ संस्थाचालक, ४ प्रशासकीय अधिकारी, १ शिक्षकेतर कर्मचारी तर १३ शिक्षकांचा समावेश आहे.
यंदा २०२१ या वर्षासाठी गुणवंत संस्थाचालक प्रा.मकरंद नगीन पाटील व पुष्पेंद्र गोवर्धन रघुवंशी तसेच प्रशासकीय क्षेत्रातील गुणवंत कर्तव्यदक्ष अधिकारी म्हणून जि.प.चे उपमुख्य कार्यकारी अधिकारी शेखर रौंदळ, माध्यमिक शिक्षणाधिकारी मच्छिंद्र व्ही. कदम, प्राथमिक शिक्षणाधिकारी डॉ.राहुल चौधरी तसेच उपशिक्षणाधिकारी भानुदास रतिलाल रोकडे, शिक्षण क्षेत्रातील वरिष्ठ महाविद्यालयाचा गुणवंत प्राध्यापक म्हणून प्रा.डॉ.माधव कदम (जीटीपी महाविद्यालय, नंदुरबार), प्रा.प्रमोद बुलाखी बागुल (आ.से.स.व शि.प्र.संस्थेचे वाणिज्य व विज्ञान महाविद्यालय, नवापूर) तसेच प्राथमिक व माध्यमिक शिक्षण क्षेत्रातील शिक्षक अनिल बाबुराव वायकर (शेठ के.डी. हायस्कुल, तळोदा), कालिदास गोपालकृष्ण पाठक (अश्वस्थामा माध्यमिक विद्यालय, धडगाव), हेमंत पुरुषोत्तम पाटील (श्रॉफ हायस्कूल, नंदुरबार), असिफ इकबाल आहद (अँग्लो उर्दू हायस्कूल नंदुरबार), शेख अकील शेख अहमद (कै.मोहनसिंग कन्हैयालाल रघुवंशी प्राथमिक शाळा नंदुरबार), मुख्याध्यापक शशिकांत पांडुरंग पाटील (विद्यासागर पब्लिक स्कूल नंदुरबार), करण उखाजी चव्हाण (नगरपालिका शाळा क्र.४ नंदुरबार), सपना सयाजीराव हिरे (जिल्हा परिषद शाळा अंबापुर नंदुरबार), पी.जी.पाटील (शासकीय आश्रम शाळा धडगाव), रोहिदास वाघ (जि.प.शाळा मोलगी), जयेश लक्ष्मणभाई वाणी (शिक्षकेतर कर्मचारी श्रॉफ हायस्कूल, नंदुरबार), या सर्व गुणवंत व्यक्तींच्या कार्याची दखल घेत यापुढेही त्यांच्या हातून यशस्वी सेवाकार्य घडावं या हेतूने रोटरी क्लब ऑफ नंदनगरीच्या माध्यमातून या गुणवंत व्यक्तींची निवड करण्यात आली आहे. या पुरस्काराचे वितरण ८ सप्टेंबर २०२१ बुधवार रोजी जागतिक साक्षरता दिनाचे औचित्य साधून अटल बिहारी वाजपेयी सभागृह न.पा.नंदुरबार येथे मान्यवरांच्या उपस्थितीत सर्व गुणवंतांना सन्मानित करण्यात येईल, असे रोटरी क्लब ऑफ नंदनगरीचे अध्यक्ष मनोज मोहन गायकवाड, सेक्रेटरी अनिल सोहनलाल शर्मा व लिटरसी चेअरमन इसरार सय्यद यांनी कळविले आहे.
