नंदुरबार | प्रतिनिधी-
नंदुरबार शहरातील जे.के.पार्कसमोरील गॅरेजसमोरून साडेतीन लाखाचा आयशर ट्रक लंपास केल्याची घटना घडली आहे. याप्रकरणी अज्ञाताविरूध्द गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, नंदुरबार शहरातील जे.के.पार्क येथे मोहम्मद लोहार यांचे नुरमोटार गॅरेज समोरून साडेतीन लाख रूपये किंमतीचे आयशर (क्र.एम.एच.०४- एफ.यु. ११२१) अज्ञात चोरटयांनी दि.२५ जुलै ते २६ जुलै दरम्यान लंपास केले. याप्रकरणी मोहम्मद शाहिद मोहम्मद शाबीर लोहार रा.पटेलवाडी (नंदुरबार) यांच्या फिर्यादीवरून नंदुरबार शहर पोलीस ठाण्यात अज्ञात चोरटयाविरूध्द भादंवि कलम ३७९ प्रमाणे गुन्हा दाखल करण्यात आला आहे. याप्रकरणी पुढील तपास पोसई जी.बी.सुर्यवंशी करीत आहेत.
