नंदुरबार| प्रतिनिधी-
तळोदा, जिल्ह्यातील ५७ ग्रामपंचायतींची मुदत दि.१८ जुलै रोजी संपत असल्याने शुक्रवारी जिल्हा परिषद प्रशासनाने प्रशासकांची नियुक्ती केली आहे.यात तळोदा तालुक्यातील ३५ ग्रामपंचायतींच्या समावेश आहे.
नंदुरबार जिल्ह्यातील तळोदा,अक्कलकुवा ब धडगाव तालुक्यातील ५७ ग्राम पंचायतीची मुदत पर्वा म्हणजे दि.१८ जुलै २०२१ ला संपत आहे.त्यामुळे साहजिकच विद्यमान पदाधिकार्यांच्या पाच वर्षाच्या कालावधी देखील संपला आहे.मुदत संपणार्या ग्राम पंचायती मध्ये प्रशासकाच्या नियुक्तीसाठी नंदुरबार जिल्हा परिषदेच्या मुख्य कार्यकारी अधिकारी रघुनाथ गावंडे यांनी शुक्रवारी तसे आदेश देखील काढले आहेत.सर्वात जास्त ग्राम पंचायती तळोदा तालुक्यात ३५,अक्कलकुवा १३ तर धडगाव तालुक्यात ९ ग्राम पंचायतीच्या समावेश आहे.मुदत संपणार्या ग्राम पंचायती मध्ये बोरद,वाण्याविहिर,तोरणमाळ,प्रतप्पूर, मोदलपाडा,चिनोडा, आमालाड अशा मोठ्या ग्राम पंचायतींच्या समावेश आहे.या ग्राम पंचायतीन मधील वार्ड रचना आधीच पूर्ण करण्यात आली आहे.साहजिकच निवडणूक आयोग आता केव्हा निवडणुका घेतली याकडे ग्रामीण जनतेचे लक्ष लागले आहे.
