नवापूर । प्रतिनिधी
नवापूर येथील भाजपचे कार्यकर्ते तथा आदिवासी मोर्चाचे प्रदेश सचिव अनिल वसावेंचे कोरोनाने निधन झाल्याने त्यांच्या कुटुंबीयांना पक्षातर्फे १ लाखाचा धनादेश दिला .
भाजपचे प्रदेशाध्यक्ष चंद्रकांत पाटील व विरोधी पक्षनेते देवेंद्र फडणवीस यांच्या आदेशानुसार एक लाखाचा धनादेश जिल्हाध्यक्ष विजय चौधरी यांच्या हस्ते देण्यात आला . या वेळी आदिवासी मोर्चा प्रदेशाध्यक्ष तथा आमदार प्रा . डॉ.अशोक उईके , जनजाती विभागाचे प्रांत संयोजक किशोर काळकर , आदिवासी मोर्चा प्रदेश सरचिटणीस प्रकाश गेडाम , जिल्हा संघटन सरचिटणीस नीलेश माळी , जिल्हा सरचिटणीस राजेंद्र
गावित , प्रदेश कार्यकारिणी सदस्य राजेंद्रकुमार गावित , अल्पसंख्या मोर्चा प्रदेश उपाध्यक्ष एजाज शेख शहराध्यक्ष प्रणव सोनार , युवा मोर्चा तालुका अध्यक्ष दिनेश चौधरी जि.प. सदस्या संगीताताई गावित उपस्थित होते . या वेळी जिल्हाध्यक्ष विजय चौधरी यांनी अनिल वसावे यांच्या पत्नी सुनीता वसावे यांच्याकडे धनादेश सुपुर्द केला .
