तळोदा ! प्रतिनिधी
दोघा मोटार सायकलिंची समोरा समोर जोरात धडक होवून झालेल्या अपघातात चार जण जागीच ठार झाले.तर दोघी महिला जखमी झाल्या आहेत.हा अपघात बुधवारी दुपारी ४ वाजेच्या सुमारास तळोदा तालुक्यातील तळवे नजिक घडला होता.दरम्यान अपघात घडल्या नंतर बघ्यांची मोठी गर्दी झाली होती. पोलिस सूत्रांनी दिलेल्या माहितीनुसार बुधवारी दुपारी उमेश शांतीलाल चव्हाण (२९), पूजा उमेश चव्हाण (२३),सुनंदा शांतीलाल चव्हाण (६०) सर्व रा.तळोदा. हे मोटार सायकल (क्रमांक एम एच ३९.एल ४८४) हिने तीन सीट वर बोरद हून येत होते.त्या दरम्यान मदन दिवल्या नाईक(४५), अमित मदन नाईक (१२), दारासिंग छगन जांभोरे (४५) सर्व रा. तुळाजा ता. तळोदा हे मोटार सायकल ( क्रमांक एम एच १५ डी टी ६३४०) हिने तळोदा हून बाजार करून तुळजा येथे जात होते.या दोघी वेगात येणाऱ्या,जाणाऱ्या मोटार सायकलिंची तळवे गावा जवळ समोरा,समोर येवून जोरात टक्कर झाली.त्यामुळे चार जणांना डोके,हात पायांना प्रचंड मार बसल्याने उमेश ,मदन,अमित,दारासिंग हे चार जण जागीच ठार झाले आहेत.तर सुनंदा शांतीलाल चव्हाण,पूजा चव्हाण या गंभीर जखमी झाल्या आहेत.यातील सुनंदा याना गंभीर मार लागल्यामुळे त्यांना पुढील उपचारासाठी नंदुरबार जिल्हा रुग्णालयात हलविण्यात आले आहे.या अपघाताची घटना तळवे परिसरातील नागरिकांना कर्नोपकरणी पोहचल्या नागरीक घटना स्थळी दाखल झाले.अपघात एवढा भीषण होता का,तेथे रक्ताचा सडा पडलेला होता.गावकऱ्यांनी पोलिसांना कळविल्या नंतर पोलिस दाखल झाले.उपजिल्हा रुग्णालयाचे रुग्ण वाहिकेतून सर्वांना तळोदा रुग्णालयात दाखल करण्यात आले.या बाबत पोलिसात मोटार अपघाताचा गुन्हा दाखल करण्यात आला आहे.
