नंदुरबार l प्रतिनिधी
रोटरी क्लब ऑफ नंदुरबार शाखेचा पदग्रहण समारंभ नुकताच मान्यवरांच्या उपस्थितीत संपन्न झाला. अध्यक्ष म्हणून श्री मनोज गायकवाड तर सचिव म्हणून फादर टेनी यांची निवड करण्यात आली. सामाजिक सेवेत सातत्यपूर्ण अनोखी कामगिरी करणारी संघटना म्हणून जागतिक पातळीवर रोटरी क्लबची ओळख आहे.
नंदुरबार जिल्हा शाखेच्या नूतन पदाधिकाऱ्यांच्या पदग्रहण व शपथ विधी सोहळ्याप्रसंगी मुख्य अतिथी म्हणून माजी आमदार चंद्रकांत रघुवंशी, हे होते.त्यांनी आपल्या भाषणामध्ये रोटरीच्या सर्व सभासद व नवयुक्त अध्यक्ष सचिव यांना शुभेच्छा देत, मी ही रोटरीच्या सदस्य होतो रोटरीचे कार्य ही आपल्या मार्गदर्शनातून केले. भाजपाचे जिल्हाध्यक्ष निलेश माळी यांनी नवनियुक्त अध्यक्ष लहान पणापासूनच सेवेच्या भावनेतून कार्य करत आहेत. राष्ट्रवादी काँग्रेसचे जिल्हाध्यक्ष डॉ .अभिजीत मोरे, माजी नगरसेवक मोहन माळी, जगन्नाथ माळी, शिवसेना महानगर प्रमुख पंडित माळी, मोंटू जैन, रोटरीचे असिस्टंट गव्हर्नर राकेश जयस्वाल आदी मान्यवर उपस्थित होते.
नवीन पदाधिकाऱ्यांना यावेळी रोटरीचे मानचिन्ह पदक नुतन पदाधिकाऱ्यांच्या शर्ट वर लावून त्यांच्यावर जबाबदारी देण्यात आली. हा सोहळा डिस्ट्रिक्ट सेक्रेटरी अनिस शहा यांनी पार पाडला. मावळते जिल्हाध्यक्ष ॲड निलेश देसाई यांनी गेल्या वर्षभरातील कामगिरीचा आढावा सादर केला.
नूतन अध्यक्ष मनोज गायकवाड यांनी आपल्या मनोगतातून पुढील वाटचालीचा परामर्श घेतला. समाजातील वंचितांना आरोग्य सुविधा पोहोचवण्यासाठी प्रयत्न होणार असल्याचे त्यांनी सांगितले.
नूतन पदाधिकारी ॲड.सुशील गवळी, डॉ. विजय बडगुजर ,माजी नगरसेवक दिलीप बडगुजर, विजय गुरव, देवेंद्र उपासनीस, पीटर चिन्नाप्पा, केशव राजभोज, कमलेश जैन उपस्थित होते. कार्यक्रमाचे सूत्रसंचालन डॉ.निर्मल गुजराती तर आभार रोटरीचे सचिव फादर टेनी परक्का यांनी मानले. कार्यक्रम यशस्वीतेसाठी सुनील सोनार, दीपक जैन, पंकज पाठक, राजेंद्र कासार, पुजारा, कपिल अग्रवाल या सर्व सदस्यांनी मेहनत घेतली
