नंदुरबार l प्रतिनिधी
नंदुरबार तालुका विधायक समिती संचलित श्री छत्रपती शिवाजी महाराज माध्यमिक विद्यालय भादवड येथे वृक्षदिंडीचे आयोजन करून शालेय पटांगणात व परिसरात वृक्षारोपण करण्यात आले.
सर्वप्रथम सर्व विद्यार्थी विद्यालयाचे मुख्याध्यापक सर्व शिक्षक व शिक्षकेतर कर्मचारी यांनी वाजत गाजत मृदुंग व टाळांच्या गजरात गावात वृक्षदिंडी काढण्यात आली विद्यार्थ्यांनी झाडे लावा पर्यावरण वाचवा अशा घोषणांद्वारे ग्रामस्थांना वृक्षांचे महत्त्व पटवून दिले वृक्षदिंडीनंतर विद्यालयाच्या पटांगणात विद्यालयाचे मुख्याध्यापक ए. बी. पाटील, सर्व शिक्षक शिक्षिका, शिक्षकेतर कर्मचारी व विद्यार्थ्यांनी वृक्षारोपण करून वृक्षांचे संगोपन करण्याची जबाबदारी स्वीकारली. भविष्यातील वृक्षांचे महत्त्व जाणून सर्वांनी जास्तीत जास्त वृक्ष लावून त्यांना जगविण्याचा संकल्प केला.
