नंदुरबार l प्रतिनिधी
नंदूरबार येथील श्री स्वामी समर्थ सेवा केंद्र (दिंडोरी प्रणित) मार्फत 1 मे बुधवार रोजी “महाराष्ट्र दिनानिमित्त” राष्ट्र कल्याण-समाज कल्याण हेतूने भव्य रक्तदान शिबीराचे आयोजन करण्यात आले आहे.
सेवा मार्गाच्या ग्रामाभियानांतर्गत अनेक समाज प्रबोधनपर उपक्रम राबविले जात असतात. त्याचाच एक भाग म्हणून श्री स्वामी पुण्यतिथी अखंड नामजप यज्ञ सप्ताहात या भव्य रक्तदान शिबिराचे आयोजन 1 मे रोजी सकाळी 10 ते संध्याकाळी 5 वाजेपर्यंत श्री स्वामी समर्थ सेवा सेवा व आयुर्वेदिक कृषी व वृक्ष संशोधन केंद्र चौपाळे रोड नंदूरबार. येथे करण्यात आले आहे.या शिबिरात मोठ्या संख्येने रक्तदान करून सेवेकरी-भाविकांनी राष्ट्र कल्याणासाठी आपला सहभाग नोंदवावा असे आवाहन आयोजकांतर्फे करण्यात आले आहे.
