भालेर येथे प्रभात फेरीद्वारे मतदार जनजागृती

नंदुरबार l प्रतिनिधी
तालुक्यातील भालेर येथील का. वि .प्र. संस्था भालेर संचलित श्रीमती क. पू. पाटील माध्यमिक व उच्च माध्यमिक विद्यालय भालेर येथे मतदार जनजागृती कार्यक्रमांतर्गत गावातून प्रभात फेरीचे आयोजन करण्यात आले .

सकाळी भालेर, नगाव, तिसी गावातून प्रभात फेरी काढून गावातील नागरिकांना व मतदारांना आपल्या राष्ट्रीय कर्तव्याची जाणीव करून देत लोकशाहीच्या बळकटीकरणासाठी मतदानाचे महत्त्व पटवून देण्यात आले .

विद्यार्थ्यांनी विविध घोषवाक्याच्या माध्यमातून जनजागृती केली. याप्रसंगी उपस्थित संस्थेचे संस्थापक अध्यक्ष भास्करराव हिरामण पाटील , उपाध्यक्ष चंद्रशेखर पाटील , प्राचार्य व्हि.बी चव्हाण ,पर्यवेक्षक ए व्ही कुवर विद्यालयातील प्राध्यापक प्राध्यापिका शिक्षक शिक्षकेतर कर्मचारी वृंद यांनी कार्यक्रमाच्या यशस्वीतेसाठी परीश्रम घेतले .