नंदूरबार l प्रतिनिधी
अक्कलकुवा कृषी उत्पन्न बाजार समितीच्या सभापती पदी विधान परिषदेचे सदस्य आ. आमश्या पाडवी यांची तर उपसभापती पदी टेडग्या गोमा वसावे यांची बिनविरोध निवड करण्यात आली.
अक्कलकुवा कृषी उत्पन्न बाजार समितीच्या संचालकांची पहिली सभा अक्कलकुवा येथील तहसील कार्यालयाच्या सभागृहात पार पडली यावेळी कृषी उत्पन्न बाजार समितीच्या सभापती पदासाठी निवडणूक घेण्यात आली त्यात शिवसेना उद्धव बाळासाहेब ठाकरे पक्षाचे जिल्हा प्रमुख तथा विधान परिषदेचे सदस्य आ.आमश्या फुलजी पाडवी यांचा सभापती पदासाठी एकमेव अर्ज तर उपसभापती पदासाठी टेडग्या वसावे यांचा एकमेव अर्ज आल्याने निवडणूक निर्णय अधिकारी दिलीप गांगुर्डे यांनी आ. आमश्या पाडवी यांची सभापती तर टेडग्या गोमा वसावे यांची उप सभापती पदी बिनविरोध निवड घोषित केली.
या सभेला एकूण 15 संचालक उपस्थित होते. निवडणूक निर्णय अधिकारी म्हणून निवासी नायब तहसिलदार दिलीप गांगुर्डे, यांनी तर सहाय्यक निवडणूक निर्णय अधिकारी म्हणून सहाय्यक निबंधक बी.बी.अहिरे यांनी काम पाहिले.कृषि उत्पन्न बाजार समितीचे सचिव दिपक हिरे यांनी सहकार्य केले.यावेळी कार्यकर्त्यानी अक्कलकुवा शहरात फटाके फोडुन आनंद व्यक्त केला
