नंदूरबार l प्रतिनिधी
नंदुरबार शहरातील होळतर्फे हवेली येथील कांतालक्ष्मी हॉस्पिटल शेजारी असलेली दोन घरे फोडून चोरट्यांनी ५६ हजार रुपये किंमतीचे सोने-चांदीचे दागिने चोरुन नेली.
शहरातील होळतर्फे हवेली येथील कांतालक्ष्मी हॉस्पिटल शेजारी श्याम काळू सुर्यवंशी व साक्षीदार यांची घरे आहेत. सदर दोन्ही घराचे चोरट्यांनी दरवाजाचे कुलूप तोडून आता प्रवेश केला. घरात असलेल्या कपाटातील लॉकरमधून चोरट्यांनी ५६ हजार रुपये किंमतीचे सोने-चांदीचे दागिने चोरुन नेले.
याबाबत श्याम सुर्यवंशी यांच्या फिर्यादीवरुन नंदुरबार शहर पोलिस ठाण्यात अज्ञातांविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक प्रविण पाटील करीत आहेत.
