नंदूरबार l प्रतिनिधी
अक्कलकुवा तालुक्यातून आरटीओ चेकपोस्टजवळ मद्यवाहतूक करणाऱ्या कंटेनरसह सुमारे २९ लाखांचा मुद्देमाल अक्कलकुवा पोलीसांनी जप्त केला आहे.यात चालक फरार झाला आहे.
याबाबत अधिक माहिती अशी की, अक्कलकुवा पोलिस ठाण्याचे प्रभारी पोलीस अधिकारी सहाय्यक पोलीस निरीक्षक राजेश गावित यांना मिळालेल्या गुप्त माहितीनुसार, अक्कलकुवा पोलीस ठाणे हद्दीतुन गुजरात राज्यात अवैध दारूची वाहतूक होणार असल्याचे समजले. पोलीस अधीक्षक पी.आर.पाटील, अप्पर पोलीस अधीक्षक निलेश तांबे, उपविभागीय पोलीस अधिकारी श्री.सावंत यांचे मार्गदर्शन घेऊन अक्कलकुवा पोलिसांनी आरटीओ चेक पोस्ट येथे अवैध वाहतूक करणाऱ्या कंटेनर अडवून तपासणी केली.यात सुमारे १४ लाखांचा विदेशी मद्यसाठा आढळून आला.पोलीसांनी वाहनासह २८ लाख ९५ हजार ५०४ रुपयांचा मुद्देमाल जप्त केला आहे.
कारवाईदरम्यान,वाहन चालक फरार होण्यात यशस्वी झाला.याबाबत अक्कलकुवा पोलीस ठाण्यात गुन्हा दाखल करण्यात आला असून सदर कारवाई सहाय्यक पोलीस निरीक्षक राजेश गावित, पोलीस उपनिरीक्षक रितेश राऊत, पोन.ा.किशोर वळवी, गुरुदेव मोरे, अतुल गावीत, देविदास विसपुते, खुशाल माळी, प्रशांत यादव, पोलीस हवालदार उल्हास ठिंगळे, संजय सूर्यवंशी, सतीश वळवी, अविनाश रंगारे आदींच्या पथकाने केली आहे.
