नंदूरबार l प्रतिनिधी
उमर्दे खुर्द ता. नंदुरबार येथील श्री खंडेराव महाराज यांची दोन वर्षापासून बंद असलेली यात्रा यावर्षी यात्रा भरणार असून बारा गाड्या ओढण्याचा कार्यक्रम ही होणार आहे.
मागील दोन वर्षापासून कोविड प्रादुर्भावामुळे दोन वर्षापासून यात्रा बंद होती. यावर्षी यात्रा भरण्याचा ग्रामस्थांतर्फे निर्णय घेण्यात आला. 2 मे व 3 मे 2022 रोजी खंडेराव महाराजांची यात्रा भरण्याचे आयोजन ग्रामस्थांतर्फे करण्यात आले आहे. 2 मे रोजी सायंकाळी पाच वाजता ज्या जागेवर बारा गाडी ओढण्यास सुरुवात होते, त्या जागेवर वाजत-गाजत सुहासिनीद्वारे पाण्याचा सडा टाकला जातो.
3 मे मंगळवार रोजी बारा गाड्या ओढण्याचा कार्यक्रम पाचवी पिढीतील श्रीखंडेराव महाराजांचे सेवेकरी जितेंद्र मराठे बारा गाडी ओढणार आहेत. पाच वर्षापासून जितेंद्र मराठे हेच यात्रेत बारा गाड्या ओढत आहेत.
जितेंद्र मराठे यांचे खापर पंजोबा श्री खंडेरावाचे सेवकरी लकडू मराठे हे आईचा आहे आईचाळे ता. साक्री इथून उमर्दे खुर्द येथे वास्तव्यास आले त्यांनी बारा गाडी ओढण्याच्या कार्यक्रमास सुरुवात केली. उमर्दे येथे खंडेरावाची स्थापना केली तेव्हापासून अखंडपणे अक्षय तृतीया खंडेरावाची यात्रा भरते.१९९५ श्री. खंडेराव महाराजांच्या मंदिराचा जीर्णोद्धार करण्यात आला.श्री.खंडेराव महाराज माळसाबाई व बानुबाई यांची मूर्ती स्थापना करण्यात आली. बारा गाड्या ओढण्याचा जातात.लकडू मराठे नंतर त्यांचा मुलगा दगा लकडू मराठे , गोकुळ दगा मराठे, सुदाम गोकुळ मराठे आता पाचव्या पिढीतील श्री. खंडेराव महाराजांचे सेवेकरी जितेंद्र सुदाम मराठे यात्रेत बारा गाड्या ओढण्याचा कार्यक्रम करतात.
अक्षय तृतीय सायंकाळी पाच वाजेपासून बारा गाड्या ओढण्याचा कार्यक्रमास सुरुवात होते.वाघ्या मुरळी या भोप्प्या यांच्यासोबत वाजत गाजत श्री. खंडेरावाचे सेवेकरी पानझोक व मोर पिच्छा घेऊन बारा गाड्यांना पाच प्रदक्षिणा घालतात. बारागाडी होण्यापूर्वी साकळ(नांगरटीची) तोडली जाते. त्या नंतर बारा गाड्या ओढल्या जातात. बारा गाड्या गावातून गोळा केल्या जातात सुरुवातीला तगतराव नंतर बारागाड्या ची रचना केली जाते.हा कार्यक्रम पाहण्यासाठी नंदुरबार सह परिसरातील धामडोद, दहिंदुले भालेर, नगाव, तिशी ,अक्राळे, वावद ,खोंडामळी विखरण शिंदगव्हान, काकर्दे आधी गावातील भाविक खंडेरावाच्या दर्शनासाठी व कार्य बारा गाडी ओढण्याच्या कार्यक्रम पाहण्यासाठी भाविकांची गर्दी होते. यात्रेत लहान मुलाच्या मनोरंजनासाठी पाळणे व पालख्या दाखल झाल्या असून यात्रेत हलवाई व थंड पेयाची दुकाने थाटली जातात. ग्रामस्थाच्या मनोरंजनासाठी ग्रामस्थांतर्फे तमाशाचे आयोजन करण्यात आले आहे. दोन वर्षानंतर यावर्षी श्री खंडेराव महाराजांची यात्रा भरत असल्याने ग्रामस्थांमध्ये उत्साह दिसून येत आहे.
