नंदुरबार | प्रतिनिधी
महाराष्ट्र इंग्लिश स्कूल ट्रस्टी्स असोसिएशनतर्फे शासनाने घेतलेल्या १५ टक्के फी माफीचा निर्णय मान्य नसल्यास बाबतचे निवेदन निवासी उपजिल्हाधिकारी सुधीर खांदे यांनादेण्यात आले.
या निवेदनात म्हटले आहे की, महाराष्ट्रामध्ये गेल्या दोन वर्षापासून इंग्रजी शाळा या आर्थीक संकटात सापडलेल्या असताना शिक्षणमंत्री असा एकतर्फी निर्णय कसाकाय घेतात याज आश्चर्य वाटत. मागील महिण्यातच आमच्या संघटनेने ज्या पालकांचा कोवीड काळात रोजगार बुडाला नोकर्या गेल्या उद्योगधंदे बंद पडले अशा पालकांना दिलासा मिळावा म्हणून व त्यांच्या पाल्याचे शैक्षणिक नुकसान होऊ नये या उदात्त हेतुने आम्ही या पूर्वीच २५ टक्के फी माफीचा निर्णय जाहीर केला होता. परंतु शिक्षण मंत्री महोदयांनी स्वत:चा तोरा मिरवत जशी काही त्यांना पालकांची खुप काळजी आहे असे भासविण्याचा केविलवाणा निर्णय जाहिर केला परंतु या निर्णयास महाराष्ट्र इंग्लिश स्कुल ट्रस्टीज असोसिएशन (मेस्टा) चा कडाडून विरोध आहे. कारण की या निर्णयामुळे ज्या पालकांचे रोजगार शाबुत आहेत ज्यांचे उद्योगधंदे सुरळीत सुरू आहे.कारखानदार व सातवा वेतन आयोग घेणारे कर्मचारी ज्यांच्या उत्पन्नावर कठलाही परिणाम झाला नाही अशा पालकांना फी माफी व पालकांनी फी भरली तरच गोरगरीब पालकांच्या पाल्यांना न्याय देता येईल अन्यथा त्यांना देखील उर्वरीत ८५% फी भरण्याची सक्ती करण्याची पाळी संस्थाचालकांवर येईल. याचा शिक्षण मंत्री विचार का केला नाही . करीता याकारणात्सव आज शिक्षणमंत्र्यांनी जाहीर केलेला निर्णय इंग्रजी शाळा संस्थाचालक दापीही मान्य करणार नाही.याबाबतचे निवेदन देण्यात आले.निवेदनावर महाराष्ट्र इंग्लिश स्कुल ट्रस्टीज असोसिएशन (मेस्टा) संस्थापक अध्यक्ष संजयराव तायडे, मेस्ता जिल्हाध्यक्ष धुळे नंदुरबार प्रमोद पाटील, अंबालाल पाटील,अनिल पाटील,गणेश चौधरी,ईद्सि शाह आदींच्या स्वाक्षर्या आहेत.
