नंदुरबार l प्रतिनिधी
तालुक्यातील आक्राळे व शनिमांडळ शिवारातील सुझलॉन कंपनीच्या टॉवरवरुन चोरट्याने १६ हजार रुपये किंमतीची वायर लंपास केल्याप्रकरणी दोघा संशयितांविरोधात गुन्हा दाखल करऱ्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील आक्राळे व शनिमांडळ शिवारात सुझलॉन कंपनीचे टॉवर क्र. के ५३० टॉवर आहे. सदर टॉवरवरुन संशयित सचिन मोतीलाल सागळे व कैलास शेलार (दोघे रा.ऐचाळे ता.साक्री) यांनी १० हजार रुपये किंमतीची ११९ मीटर केबल व ६ हजार रुपये किंमतीची २४० स्क्वेअर मीटर कॉपर व ॲल्यूमिनिअमची ४० मीटर केबल असा एकूण १६ हजाराचा मुद्देमाल चोरुन चेला. याबात्बा सुझलॉन कंपनीचे सिक्यूरिटी मॅनेजर तुकाराम सुखदेव झावरे यांच्या फिर्यादीवरुन नंदुरबार तालुका पोलिस ठाण्यात दोघा संशयितांविरोधात भादंवि कलम ३७९, ३४ प्रमाणे गुन्हा दाखल करण्यात आला आहे. पुढील तपास पोना.ज्ञानेश्वर पाटील करीत आहेत.
